أغنبة حلوا المراكب كلمات الشاعر العبقري نجيب سرور و بصوت الشيخ إمام ماعتقدش سمعت أغنية فيها الإحساس ده بالحزن و الإغتراب قبل كده
حَلّوا المراكب مع المغرب و فاتوني
على الشط واقف بلا مركب و فاتوني
ساعتها قلبي شهق ...يشهد عليه الشفق
بيني و بينك بحور الغربة يا داري
يا ناري يا ناري ماتت في البحور ناري
الطير ده من هَشه؟
على الريح بنى عِشه؟
يا عود ريحان أخضر و الغربة بتحشه
صعبان علي يا قلب الورد يا صغير
و الله ده كان بدري تتلوع و تتحير
لفيت أنا لفيت في الغربة ما خليت
بلد تشيلني و بلد ترميني تاني لبلد
عواف عليكي يا نخلة مضللة على الباب
راخية الضفاير و حاضنة الأهل و الأحباب
مسا التماسي يا ناسي
ماتصدقوش إني ناسي
يا سهرانيين في القمر... ليل الغريب ضلمة
يا عيني يا ليلي ...لا قنديل و لا نجمة
مناديل دي و لّا قلوع ؟ ....و ده بحر و لّا دموع؟
خدوني يا راجعين ...فايتني ليه و لمين
حلّوا المراكب مع المغرب و فاتوني
على الشط واقف بلا مركب و فاتوني
No comments:
Post a Comment