Friday 14 March 2008

مزامير

الموضوع ده كنت نزلته من فترة في منتدى كنت باخطط أنه يكون أكبر من كده بس توقف

مع ملاحظة هجوم مدرسة التلاوة و الأناشيد الخليجية على مدرسة التجويد و التواشيح المصرية حبيت أعرض الموضوع ده اللي بيتكلم عن فنيات الآذان و التواشيح و التجويد للأعلام المصريين في المجال ده
هابتدي أتكلم الأول عن الآذان لما يحمله من منزلة طبعا و لأني متضايق من خناقة الميكروفونات اللي بنسمعها و معظم الأصوات مش حلوة و لا تراعي مبادئ فنيات الآذان

الآذان بيخضع للمقامات الموسيقية زيه زي أي فن عربي بيعتمد على الصوت و كل مقام في الآذان بيحمل معنى المنتشرين عندنا في مصر هم آذان مقام الصبا و كان عادة في الفجر و العصر و مشهور برنة الصوت الحزينة و آذان مقام السيكا بيكون في العشاء و مغرب رمضان و المناسبات زي مثلا آذان فجر العيد و بيشتهر برنة الفرحة في الصوت و آذان مقام الراست في رأيي أرقى آذان و ده عادة بيكون في الضهر و المغرب

هابدأ بعرض آذان الصبا الأول

مقام الصبا

مقام نغمة مستقلة بحد ذاتها فهي ليست مشتقة وليست هناك نغمات مشتقة عنها . بل توجد نغمات صبا مصورة عنها من غير مكانها الاصلي وتبدا نغمة هذا المقام ب ري قرار وتنتهي ب ري جواب ولصعوبة التحويلات يكتفي الملحنون بتصوير نغمة هذا المقام الحنون والباكي

مثال لآذان من مقام الصبا
مثال ثاني لآذان من مقام الصبا

آذان السيكا يمتاز المقام ده بنغمة الفرحة في الصوت و الفنيات و التفاصيل العالية

مقام السيكا

النغمة مميزة بعدم ارتياح اذن المستمع اليها وهذا ما جعل الموسيقيون يفكرون بمخرج من هذه الازمة اللحنية ولكن بشرط المحافظة على بداية المقام اي مي نص بيمول مع التلاعب بالعلامات التالية لتصبح لا بيمول و سي بيكار وتصبح نغمة جديدة تطرب لها الاذن العربية وباسرع وقت وقد اطلق الموسيقيون على هذه النغمة اسم نغمة الهزام

مثال لآذان السيكا
مثال تاني لآذان السيكا

الراست

ده بقى سيد المقامات العربية بلا منازع مقام السلطنة
و هو أقدم مقام موسيقى عربية و غير مختلط بأي تأثيرا أخرى
يقال عنه
اذا جن ليلك فارست له

مثال لآذان الراست
مثال آخر لآذان الراست

2 comments:

^ H@fSS@^ said...

يخرب بيتك انت بتجيب الحاجات دي منين
برجلتني
الرحمة حلوة يا سيدنا الشيخ
الله عليك الله

بص
فعلا بجد يعني و انت عارف اني مش بقول غير لو فعلا عنيت الكلام
فعلا مقال عميق و كلام حقيقي و علمي

يعيش يحيي
يا
يعيش

بقلك ليه متحطش ايميلتنا في قايمة الايميلات في المدونة عشان اي تعليق يجيي على مدونة نعرف بيه طوالي
؟؟

تحياتي

Camellia Hussein said...

تحياتي ليك وشكرا علي المعلوما ت القيمة دي
بس سؤال لو سمحت
هو العود التحفة اللي شغال برة ده مين؟